؛؛ إحنا حبايب يا وطن ؛؛
*********************
خارج أغنى للجديد
سارج فى شمسك بالدما
بعد الدموع المُره عيد
يا طايره فى حضن السما
سيفك دخل جوه العدا
إحترسى من ليل الكلاب
نادى كتير .. خلِّى الندا
يفتح عشان الحب باب
إحنا حبايب يا وطن
واهبين ربيعك عمرنا
إنت الفضا .. وانت السكن
وانت اللى بانى قصرنا
حكم القدر يبقى العبور ..
هو البداية لكل شئ
دوستى على " أنف " الغرور
وبقيتى للأجيال طريق
شلال حنين ليكى هنا
وجبال حنين ليكى هناك
يا أحلى أحلى سوسنه
يا واقفه فى الشباك ملاك
حلمك هايبقى نهار أكيد
يا دايسه ليل المستحيل
يا جايبه لينا ألف عيد
يا شافيه فى القلب العليل
راجع حبيبك يسندك
وبيعبدك عن أى نار
فى كل لحظه يسعدك
يا راسمه شمس الإنتصار
دايما ثبات على مبدئك
رغم العواصف والرياح
ولا ألف موجه تغرقك
يا غازله قنديل الصباح
*************************
عبيــــــــر الجنـــــــدي
ليست هناك تعليقات:
إرسال تعليق