الكاتب فى قصيدة جديدة بعنوان :-{ ليه كدا يا عاشق }....يتناول قصة العشق بين العاشق والمعشوق
مسترسلا ...ان عشق الجسد ومفاتنه دائما عشق زائف وزائل.....اما عشق الروح فدائما ما يدوم .
يا قافلة كل الببان....................سيبى باب مفتوح .
الحبايب يخشوا ويطلعوا.............ويداوا منه جروح .
ليه عاملة فينا كدا....................هو الحب مش مسموح .
شعللتى نار المحبة....................و بنى الآحبة صروح .
وشغلتى الكل حواليكى...............والعين عليكى تنوح .
احلامهم كانت عصافير..............تعشق من غير ما تروح .
الوانها كانت خداعة..................والقلب كان مشروح .
وجعتى قلوب اللى حبوكى...........وبالسر مش قادرة تبوح .
نسيوا ان حنيتك قسوة................ودلعك مع العذاب مجروح .
وخافوا كمان من دلعك................يدمى قلب من الدلع مدبوح .
الصد كان طبعك......................والصفح مش ممنوح .
وفكرة كمان اللقا.......................من القلب مش مسموح .
ومد جسور الهوى.....................من الفكر كمان ممسوح .
لعبتى بعقول الصبا....................والجمال فى السوق مطروح .
والقلب من لوعته هايم................يرفرف زى طير مدبوح .
والفكر لعب بالعقول...................زى السراب ما عادش طموح .
عذبتى كل الآحبة بلوع...............ما خليتى فيهم روح .
والعيون من السهد ما نامت...........وكتر البكا والنوح .
ليه حب النسا كدا......................مالوش اساس مطروح .
يقع فيه اللى غاوى....................من غير تعب و يروح .
غلط يا عاشق لما عشقت.............القمر و نسيت جمال الروح .
------------------------------------------------------------
الكاتب
محسن أبو حمود
ليست هناك تعليقات:
إرسال تعليق