قالو ا
قالوا امى قلت امى
بمسح الكلمة بكمى
زى دمعة فيها همى
ايوه امى بس غاوى للعلام
رغم فقرى كنت حافظ الكلام
صندوق البوية فى كتفى ف الزحام
والقلم حبره دموعى
والكتاب كان رهن طوعى
كنت قايد له شموعى
رغم ظلم كتير انام
كنت سهران ليل ما انام
ايوة امى رغم علمى
مش بجهلى لكن بحلمى
اللى عمره مايوم جاملنى
انى ابقى حد منكم
انى توبى نفس توبكم
اه يامة كتير عيوبكم
الوصاية كات ذنوبكم
ربى قال نبينا امى
بس علم كل جيل
يعنى حقق مستحيل
صلوا على الهادى الدليل
صلى الله عليه وسلم
مصطفى قمر
ليست هناك تعليقات:
إرسال تعليق