الأحد، 13 نوفمبر 2016

سجال المبدعة هدى السيد مع القدير رضا ابو حسن

سيجالي مع الشاعر الراقي الأستاذ / رضا أبو حسين

 جمالى فداك Hoda

 ومين غيرى هيعملها
اعيش العمر علشانك
اطيب لك ف آلامك
واضحى بأغلى ما عندى
وأقول افديك وأنا بدالك

 ولو تطلب جمالى يروح
عشان ما ترد فيك الروح
فداك روحى فداك عمرى
فداك كلي يا سيد قلبى
وإيه الفايدة ف جمالى
ولو عينك ما تنظرلوش

 وتتملا وتتغزل 
وتكتب فيه قصايد شعر
ولو تنزف جروحك دم
اداويها بجدايل الشعر
وايه هيفيد جمال شعرى
وأنا لجرحك 
هاموت م القهر

 جمالى فداك يا روح روحى
تعيش لى سليم ومتعافى
و يكفى حضنك الدافى
اعيش فيه ف الزمان الصعب

 انا ساكنك. Reda

 دا لو عمري يضيع فيكي
وقلبي وروحي اهديكي
يااجمل من رأت عيني
سنين عمري ماتكفيكي

 قصايد شعري باكتبها
حروفي باأزهى اتوابها
ماتوصف فرحتي بقربك
ومين غيري هايوصفها

 تعيشي العمر علشاني
ياست الناس يااسراني
انا دايب ف نور روحك
ياساكنة ف كل احلامي

 جمالك من جمال الضي
وشعرك ليل ما زيه زي
انا لقربك ابيع الروح
ولو ميت هاجيلك حي

 وجرحي لو هايأذيكي
واشوف الدمع ف عينيكي
ولو هتحسي قهر ف يوم
هاداري الجرح وافديكي

 واتمنى اعيش قربك
اداوي جرحي بين حضنك
ولو نار الغرام تهدا
اشعللها ... بنار حبك

 ياست الناس ياعشقاني
انا ... عاشقك
ياساكنة ف كل احلامي
انا .. ساكنك
انا .. ساكنك

مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)