مال المييل
يا خلق مال الميل
ما يكيلوش كيال
الامر اصبح جلل
يصعب علينا الحال
واحد فى راسه اتخبل
والتانى صاحب موال
عصفور طلع للجبل
وزعق بعزمه وقال
اللى ما يعرف عمل
اعمى معاه غربال
والدنيا ما تطرح امل
الا اللى عنده سؤال
ليه لما مال الميل
ساكتين على الاهوال
لما الحكيم اتسأ ل
الظلم ليه بطال
رغم سواده بعجل
ما غاب جواب ولا طال
رد الحكيم بالمثل
يا خلق يا جهال
الظلم اخره خلل
باطل ولا له مطال
ويا ريت نبطل هبل
ونمشى ورا الاندال
زى ما قال المثل
الطبل دا له طبال
واللى اتغرس فى الوحل
يخرج من الاوحال
لازمنا خوف وو جل
من الواحد المتعال
مصطفى قمر
ليست هناك تعليقات:
إرسال تعليق