انت فاهم ولا عبيط . بقلم المبدع // سامي محمود حنفي

انت فاهم والا عبيط ؟؟
والا بتستعبط للتظييط
ادينى دماغك طيب لحظة
خلينى اشوف الشخابيط
كيلو اللحمة عدى ال ١٠٠
السكر اصبح صعب الديه
والحشيش بقى يا عنيه
متاح لكل من ف البيت
انت فاهم والا عبيط ؟؟
تعريفة الكارته ع الصحراوى
نطت من خمسه لعشرة جنيه
وان اتكلمت تكون ارهابى
وخاين جاى تهد الحيط
انت فاهم والا عبيط ؟؟
دالانجاز باين للكل
اشمعنى يا ابنى انت دهل
الجنيه خلاص بقى حر
وانت لسه مغمى عنيك
انت فاهم والا عبيط ؟؟
وحياتك اسكت خالص ساكت
خلى الدنيا تفرح شاخت
اصل البؤرة فعلا ساحت
والكلام بقى كله عنيد
انت فاهم .. تبقى عبيط !!
ليه زعلان انك مش فاهم
الجزء السابق مقطع خمسة
ما انا انجازك ليا طلاسم
خلانى عبيط قدام الحتة
انت فاهم والا عبيط ؟؟ !!
انا مش فاهم وانت عبيط !!
ما الكل اتساوى فى التخبيط
اصل الفرقه هيا السايده
والكل ف واحد اصبح فييد
لو فعلا فاهم ، انا ابقى عبيط
كلمات / سامى محمود حنفى