إصحى يانايم وحد الدايم
ياللا ياصايم صحصح وقوم
وإن كنت ظالم رد المظالم
بكرة ياعالم يمكن ماتقوم
على التقوى داوم ونفسك قاوم
بطل تساوم وتكبر الكوم
ياما عمايم على فهايم
أما البهايم ماعليها لوم
بالتوبة عجل إوعاك تؤجل
بالجنة سجل ملك يدوم
على الله توكل برزقك موكل
إياك تأكل عيالك سموم
ده رزقه مشكل صحة ومأكل
والقناعة تشكل كنز المحروم
غاوي أزجل ماأنا بأدجل
حرفي بأشكل وقصدي مفهوم
ماأنا متقل عليك وأزقل
لكني بأعقل شيطانك وألوم
إصحى بانايم وحد الدايم
وإوعة الشتايم تضيع الصوم
ياإبن الأكارم راعي المحارم
الأخلاق مكارم والصوم علوم
وإن كنت نامم أو كنت زامم
سببيه ياهانم يكمل نوووووم
بقلمي
صبري عطوه خليل
ليست هناك تعليقات:
إرسال تعليق