دى أحوال الحموات بقول لكل بنت خلى بالك م اللى جى و خدى عبره م اللى فات و كلامى مش تشجيع ع العنوسه لاء دى حكايه زوجه مفروووسه.... حماتى اه يانا فى الشقة و يانا ماهى قاعده مانسانا و خلاص فضيت لينا و ياريت تقعد ساكته نشيلها جوه عنينا.... و مالوا ماهو ابنها و بتحبه و بيحبها و مكانها و من حقها لكن من يوم ما هلت ما فى ابره منها جلت و قلبت حياتنا شجار.... و ليلنا بقا نهار و داخله فى كل حاجة و فى تربية الصغار و جوزى يا ناس بسلامته طلع ابن مامته و ان قالى كلمه حلوه حالا تتقلب الدنيا و اوام تعمل عيانه و تصرخ و تقول اه يانا.... و كمان يا وحدانيه و محدش سأل عليا و من كتر كلامها انا نفسى بتصعب عليا و أفضل طول الليل شغاله ليها مداويه و فى الآخر تقول بلا نايبه.... ربى يا خايبه للغايبه لما ابنك غالى عليكى سبتيه ليه من ايديكى و دلوقتى غايره عليه طيب ليه بتجوزيه انا خدته غصب عنك كنتى خليه فى حضنك و ذنبى انا ايه.... و كرهانى طيب ليه و نصيحة منى انا لكل مستعجله و ع الجواز مقدمه فكرى فى المشكلة و بلاش تكونى مع حمى احسن هتشوفى العمى.... و نارها دى مؤلمه ع البر بيكونوا ملاك لكن فى العيشه هلاك خليكى فى السليم و اختارى زوج يتيم هتبقى فى المضمون.... و بلاش تفكير مجنون و تعيشى معاه فى سلام و حب و انسجام و تضحكلك الايام . بقلمى / محسن العربى شاعر الإبداع
ليست هناك تعليقات:
إرسال تعليق