{شهيد من داخل الجنه} بقلم المبدع // شعبان عبد الرحيم

{شهيد من داخل الجنه}
سلام عليكوا يا أمايه
وحشتيني
سلام غالي لابويه كمان
سلام لابني ونور عيني
سلام لاخواتي ومراتي
سلام لاهلي ومحبيني
وأما بعد يا أمي بجد
وحشني حضنك الدافي
ونبع حنانك الصافي
وكف أديكي يا امايا
وطبطبتوا على كتافي
#أبوس أيدك بلاش تبكي
وردي الفرحه لجبينك
وسيبي الحزن وما تشكي
تعالي وشوفي نور عينك
أنا دلوقتي ف الجنه
وساكن قصر ف العالي
وحور الجنه تتمنى
رضا لجل ابنك الغالي
#أمانه عليكي يا امايه
رساله مني تهديها
رساله لكل أم شهيد
ياريت حاولي تأديها
وقولي النص كالأتي
لكل اللي تزوريها
#أبنك فوق مع أبني
ورب العزه راضاهم
وخلى الجنه تتزين
وأكرم حسن مثواهم
هناك جاوروا رسول الله
وصب الشهد وسقاهم
فنطمن نعيش ف أمان 
ولادنا عند مولاهم
#
#أقولك حاجه يا أمي
عشان قلبك يكون بارد
ف عز ما دمي كان سايل
لقيتني ع الجنان وارد
ملايكه يا أمي بتخدني
وترفعني بدون ماعرف
وروحي طايره بترفرف
ونور حواليا محاوطني
وريحة الجنه بتهفهف
وقصر جميل ومتزين
وحور جياني تستلطف 
#فعيشي يا أمي واتهني
وعدي الصعب واتمني
بأن المولى يجمعنا 
ودلوقتي سلام مني.......

#من شهيد ف الجنه لأمه
#بأحساسي
#شيبو