رسالة حب .. تغريدة عشق .. للمبدع / أحمد بيومي
ـــــــــ.╰⊰✿ ✿ ✿⊱╮.ـــــــــ
يا ملهمه ..
مساء الخير ..
على عيونك الجميله ..
وبعد السلام والكلام ..
خبريني ..
✿
ليه أنا شايف عيونك الليله حزينه ..؟
إنتِ عارفه قطعًا إني بحبك ..
وإللي يحبك ما يسيب عيونك حزينه ..؟
فأضحكي للدنيا وسيبك من الهموم ..
إحنا صدقيني ما يليق الحزن علينا ..
✿✿
فقربي مني وأعطيني موسيقى ..
أو لحن أو أغنيهِ قديمه ..
أعطيني صوتك مثلاً في إتصال ..
اكسري صمت المدينه ..
علمي البحر الهدوء ..
✿✿✿
افتحي قلبك للسعاده ..
وأعملي منه فنار ومينا ..
علمي الوجه المليح ..
إن ضحكته تسوى وطن ..
وأنا معنديش جواز سفر ..
ومعرفش غيركِ إنتِ مدينه ..
✿✿
ومتقوليش إنت بالنسبه لي غريب ..
الحب ما يعرف دين ولا مذهب ..
ولا حتى قبيله ..
الحب مخلوق متجاوز للحدود ..
والألوان والطبقات ..
الحب منحة رب العالمين الثمينه ..
✿
وفي النهايه شكري ليك ..
على كل إحساس جميل ..
وعلشانك أنا قلت ليكِ شابوه ..
ورفعت كمان القبعه ..
ـــــــــ.╰⊰✿ ✿ ✿⊱╮.ـــــــــ
رسالة حب .. تغريدة عشق .. للمبدع / أحمد بيومي
#تغريدة_عشق_أحمد_بيومي
ليست هناك تعليقات:
إرسال تعليق