فين الحكمة . بقلم المبدع // محمد لمراحلي

فين الحكمة
_
اتسالى لكلام
ؤ انسينا حكمة ازمان
بدل لغراب المشية
ظنيناه من لحمام
ؤ عشنا امعاه الاوهام
تهنا ف الاحلام
احسبناه غيث
يزداهر بيه لمكان
ارتاحينا ف المنام
داز فينا الطوفان
والريشة انتاع الرسام
طلعات فوق الما
قاومات الفيضان
اغراق الفنان
شيعناه بالاحزان
اخدى الريشة
واحد منا ب اثقان
ؤ قلنا
حال احسن من حال
ؤ هاد الحال
غادي يبقى ع الدوام
صدقات اللوحة
غير عامرة بالالوان
كولشي تاه ع لمكان
الانسان م ابقاش انسان
لكثير فينا مدان
ابغينا انصبغو دارنا ب لبيض
ؤ تصفى لقلوب
نجحو كاملين ف الامتحان
انبدلو النغمة والالحان
وانرقصو رقصة السلام
انفرحو ب خير لبلاد
حتى ايجيب لينا الله التمام
محمد لمراحلي
فاس