الكاتب فى قصيدة جديدة بعنوان :-{ حلو العتاب }.....يعاتب و يداعب صديق
عزيز على قلبه .
**********************قصيدة ( حلو العتاب )***********************
آه منك يا صاحبى........................باين عليك مش سهل .
طرى و ملمسك ناعم....................و بتسحبنى كدا ع المهل .
عايز تجرنى لغرامك....................و تحط راسى كمان فى الوحل .
دايما فى الكلام استاذ....................و فى البلاغة عتل و فحل .
و تفرح لما اتهور........................و اسب فى الغريب و الاهل .
باين عليك ساهى........................و عينك نايمة و من بعيد بطل .
عايزك تنظف قلبك......................و تشيل من النفوس الغل .
و تبقى عارف ان الفريك...............حر ما لوش حبيب او خل .
دا انا فى الادب صورة..................وانت من بعيد الاصل .
عايزك تكون زى الفراشة..............لما ع الورود بتهل .
و الكلمة تطلع من القلوب..............صافية تلين الحديد و يفل .
ليه دايما على الحبايب..................قاسى و فكرك عقيم و يشل .
و قلمك نابه ازرق.......................و حبره من السواد بيعل .
عايزك تدلع نفسك.......................و تفرح و الضحكة علينا تهل .
و بلاش فصول باردة...................تشتت العقول و تمل .
و تكتب كمان نوتة.....................و تعزف على آلات الكل .
ساعتها ها نقول مايسترو..............و نعلق فى رقبتك ورد و فل .
***************************************************
الكاتب
محسن أبو حمود
ليست هناك تعليقات:
إرسال تعليق