#رغم_المسافات
#رغم_المتاهات
#والبرد_البارد_ف_الحكايات
لسه بشوفك ..
في كلامك ليا وف حروفك
ف السطر الناقص ف كشوفكوف نبرة صوتك وكسوفك
وقت البدايات ....
#رغم_المسافات
انا وانتي مازلنا بنتواعد
والبعد بعيد مش بيساعد
ولا عمري شاكيت
ولا مره باكيت
وياريتني داريت عنك حالي
أول ما لمحتك في خيالي
كان حالي بيصعب علي حالي
أنا كان مالي ومال المتاهات
دا العشق ساعات
والبعد سنين
وملامحك لسه بتغزي العين
وبتشفي عليل
وبتشفيني ...
وبتشرب مني
وتسقيني ...
وشبعت سكات
#رغم_المسافات
لسه بحبك ...
حابب حبك ...
لساني بدور علي قلبك
لونك
وردك
شعرك
خدك
كل الميادين تشبه حضنك
كل الحكايات لسه بأسمك
ولحد امبارح كات سيرتك
ف عروقي ودمي ووجداني
لساني بدور في ملامحك
علي إسمي وسكني وعنواني
#ومافيش_إثبات
#رغم_المسافات
#رغم_المتاهات
#والبرد_البارد_ف_الحكايات
بقلمي/
عزام احمد
#Azzam
ليست هناك تعليقات:
إرسال تعليق