بنت بنات افكارى
فلاحة ارا ريه
ساكنه تمللى فى دارى
يعنى انا وهيه
لا قادر منها ادارى
افكارى عصبيه
فى ليلى ويا نهارى
ماسكه لى دوريه
ساعة ما تيجى فى بالى
تلقاها فورية
كتبت قوام موالى
والخط بايديه
يسرح بها خيالى
قصيدة او ميه
ساقيه وساقيا لى
ارضى بعفويه
تطرح شجر عالى
ضلاية فى ضحوية
ارمى فيها احبالى
فى عز ضهريه
وافرش لها شالى
فى ليالى قمريه
بنت بنات افكارى
فلاحة مصرية
مصطفى قمر
ليست هناك تعليقات:
إرسال تعليق