البارود والزنزانة . بقلم المبدع // ادريس جبيلو

البارود والزنزانة
يلا ضحكت ليك افرح
وسير معاها ب المهل
خللي الخميرة تفيض ف المرح
وطلب الله عليك يسهل
ماتلهط ماتبخل ماتصرح
ف عياقة ماباقة مهلهل
تنوض گرون بهم تقرح
ف زمان يقيسك منو الجهل
من ضلام الليالي
ياالگمرة طلبتك رحميني
عمى مومو حالي
راه لحق كحل عيني
البارود والزنزانة ف مقالي
ضلم ب جراحو عياني
ف الخريطة حروف اقوالي
وماجرحهم غير لساني
شحال من واحد عطاتو
وركب ل حياتو ناعورة
هز عليها عصاتو
وگال هو مول النافورة
هزاتو للسما وشعطاتو
يتساهل مول النفس المغرورة
من خيرها نفاتو
وردت عليه تراب القبورة
بقلم ادريس جبيلو
المغرب