بحب الناس . بقلم المبدع // على شحاتة علي شحاته سليم

بحب الناس
وبحب الناس أما بتضحك
يتفرفط من عينها الحب
وتحس فى لمسة مشاعرهم
بطيبة القلب
الفرحه بتمسح تجاعدهم
وترجع للوش حياته
قنديل بينور م الفرحه
والريشه بترسم لمساته
يا حلاوة الدنيا أما تغنى
والورد يردد فى غناها
يتمايل على غصنه ويرقص 
والطير يتمايل لصداها
النسمه تشيل كل روايحه
والناس تتعطر بانفاسه
الليل بيمطر حنيه
بسكونه وطلت نجماته
ويسهر قمره بانوارة
ويرش العشق فى نظراته
ونداوة الفجر بطراوتها
وبشايره اللجايه مع قدومه 
فى عنيه الفرحه بتترقص 
والنبضه بترقص وياها
وبحب الناس لما بتضحك
والضحكه تسمع فى صداها

على شحاتة علي شحاته سليم
البحيرة