لو تقدرتنطنش ...................!!!!
ـــــــــــــــــــــــــــــــــــــــــــــــــــ
يادنيا لفي بينا لفي بينا
مرجيحة و دورينا دورينا
من فوق لتحت ومن تحت لفوق
أحنا مش عاوزين نفوق
خدينا يادنيا بعيد بعيد
عن نفوسنا توهينا
أوعك يوم ترحمينا
أصل نفوسنا ودا أكيد
تستاهل تتعبينا
بنحب الشقي والهم لينا
واليوم اللي ولدتينا
انكتب في التاريخ
مالناش عيشة غير بالصريخ
يوم نتولد يوم نتقبر
وهو كله من صنع إيديك
حني علينا وارحمينا
وكفاية يادنيا اللي شفناه فيك
فيك بنطلع فوق فوق
وعلي جدور رقابينا فجأة نفوق
لما تسقط أمانينا قدام عنينا
والإيدين متكتفين
حنقول لمين ومين في ايده
يمنع قدر مكتوب
بنسيبك ساعات واحنا آسفين
علي اللي راح وع السنين
وبنفتكر كل لحظة غدرتي فيها
لما الحزين يصبح مسكين
وأنت بتمرمغي فيها
نفوس ضعيفة ع المكتوب
مش صابرين
حنقول لمين ومين بيفهم
يابني آدمين
إنها ساعة حلوة كانت أو مرة
وناس بيعاها من زمان بالمرة
والي يعرف ديتها
يدفع دغري تمنها
ماتستهلش دمعة بحرقة علي بلاويها
واللي يتمسك بذيول خيبتها
في النهاية حيعرف ان أخرتها
سراب خداع وفي وسط العالم
يعيش ملتاع
الحزن داره والآلام تبقي عنوانه
يشكي يبكي م اللي بيجراله
مين يسمعه مين
مين ينجده مين
كان عقلك فين
لما جريت وراها
دوست العالم برجلك ولفيت معاها
اشرب بقي من صنع ايديك
ياما قالولك وحياة والديك
كنت سامع ومطنش
شيل بقي وحدك وطنش
لو تقدر تطنش ...................!!!!
ـــــــــــــــــــــــــــــــــــــــــــــــــــــــــــ
بقلمي / محمود مسعود ( عامية ) 18/4/2017م
ـــــــــــــــــــــــــــــــــــــــــــــــــــ
يادنيا لفي بينا لفي بينا
مرجيحة و دورينا دورينا
من فوق لتحت ومن تحت لفوق
أحنا مش عاوزين نفوق
خدينا يادنيا بعيد بعيد
عن نفوسنا توهينا
أوعك يوم ترحمينا
أصل نفوسنا ودا أكيد
تستاهل تتعبينا
بنحب الشقي والهم لينا
واليوم اللي ولدتينا
انكتب في التاريخ
مالناش عيشة غير بالصريخ
يوم نتولد يوم نتقبر
وهو كله من صنع إيديك
حني علينا وارحمينا
وكفاية يادنيا اللي شفناه فيك
فيك بنطلع فوق فوق
وعلي جدور رقابينا فجأة نفوق
لما تسقط أمانينا قدام عنينا
والإيدين متكتفين
حنقول لمين ومين في ايده
يمنع قدر مكتوب
بنسيبك ساعات واحنا آسفين
علي اللي راح وع السنين
وبنفتكر كل لحظة غدرتي فيها
لما الحزين يصبح مسكين
وأنت بتمرمغي فيها
نفوس ضعيفة ع المكتوب
مش صابرين
حنقول لمين ومين بيفهم
يابني آدمين
إنها ساعة حلوة كانت أو مرة
وناس بيعاها من زمان بالمرة
والي يعرف ديتها
يدفع دغري تمنها
ماتستهلش دمعة بحرقة علي بلاويها
واللي يتمسك بذيول خيبتها
في النهاية حيعرف ان أخرتها
سراب خداع وفي وسط العالم
يعيش ملتاع
الحزن داره والآلام تبقي عنوانه
يشكي يبكي م اللي بيجراله
مين يسمعه مين
مين ينجده مين
كان عقلك فين
لما جريت وراها
دوست العالم برجلك ولفيت معاها
اشرب بقي من صنع ايديك
ياما قالولك وحياة والديك
كنت سامع ومطنش
شيل بقي وحدك وطنش
لو تقدر تطنش ...................!!!!
ـــــــــــــــــــــــــــــــــــــــــــــــــــــــــــ
بقلمي / محمود مسعود ( عامية ) 18/4/2017م
ليست هناك تعليقات:
إرسال تعليق