مسكين . بقلم المبدعة // امال بدر

مسكين
مسكين يا عايش فى الاحلام
وبتبنى بيوت من الاوهام
وفى بحور الغرام غرقان
حرمت نفسك م الافراح
وعشت تقاسى ألم وجراح
وهى بغرامك مش داريه
وبقلبها لغيرك مايله
مع انها كانت شرياك
وسنين عاشت تستناك
ولا يوم خبط على بابها
ولما اليأس طال بيها
وعذبها طول لياليها
وجه اللى قلبه حنلها
وبمهره الغالى تقلها
وعلى ايامها طمنها
مفتاح قلبها راح وياه
وعاشت راضيه بناصبها
خليك عايش ف الاحلام
امال بدر